PERISCELIS

PERISCELIS

Gall. Iartiere Germani Hosenband, Ordo Equestris in Anglia nobilissimus, institutus an instauratus ab Eduardo III. qui, cum in chorea regali Comitissae Salisburiensis cruralem fasciam, humi prolapsam fustulisset, risus ab aulicis, ad eos conversus dixisse: Honny soit, qui maly pense, et addidisse, eum qui in hanc fasciam cavillatus esset, felicem se aestimaturum, illâ si dignus iudicaretur. Hic convocatis Proceribus A. c. 1345. vel 1350. sub auspiciis S. Georgii, quem tunc Anglia protectorem agnovit, Ordini dedisse initium, fertur. Equitum numerus fixus est, XI. qui a Rege aceperunt insignia, periscelidem in sinistro crure, cum lemmate, de quo supra. Postea fascia collo circumligata est, quam Henricus V. rosis albis caeruleisque distinxit, Iacobus VI. vero in carduos, occasione Scotiae Ord, convertit. Praecipui Europae Principes huic Ordini inseri, honori ducunt. Polydor. Virg. l. 19. Harpsfeld. S. XIV. c. 14. Hist. Eccl. Walsinghamus in Eduardo 3. Duchesnius Hist. Angl. l. 15. Froissardus l. 1. Camdenus, Favinus, Tillerus, Mezeraeus, Morerius etc.